2014 ലിലെ നവരാത്രി ആഘോഷവേളയില്, ക്ഷേത്രത്തിന്റെ പരിസരത്ത് ചില ദേശവാസികള് മാറാരോഗത്താല് കഷ്ടപ്പെടുന്നത്, അമ്പല കമ്മിറ്റിയിലെ ചില അംഗങ്ങളുടെ ശ്രദ്ധയില് പെടുകയുണ്ടായി. അവരെ സഹായിക്കുന്നതിനുവേണ്ടി, ഭക്തന്മാരില്നിന്ന് ചെറിയ ചെറിയ തുക സമാഹരിച്ച്, ഒരു ഫണ്ട് രൂപീകരിക്കുകയുണ്ടായി. ഈ ഫണ്ട് ഉപയോഗിച്ച്, അമ്പല കമ്മിറ്റി, 2014, ഒക്ടോബര് 1ന്, ഒരു ചെറിയ സദസിനു മുന്പാകെ, മാറാരോഗത്താല് കഷ്ട്ടപ്പെടുന്ന നാല് പേര്ക്ക്, ഓരോരുത്തര്ക്കും 3000/- രൂപ വെച്ച് ധനസഹായം നല്കുകയുണ്ടായി. ഇതായിരുന്നു മാക്ടിന്റെ തുടക്കം.
2015, ആഗസ്ത് 9 ന്, ഒരു വലിയ സദസിന്മുന്ഭാഗെ, പത്മശ്രീ മട്ടന്നൂര് ശങ്കരന്കുട്ടി മാരാര് അവര്കള് ട്രസ്റ്റിന്റെ മുഖ്യ രക്ഷാധികാരിയായി ചുമതല ഏറ്റതില് ഭരണസമിതി അഭിമാനിക്കുന്നു. ട്രസ്റ്റിന്റെ എല്ലാ പ്രവര്ത്തനങ്ങളിലും എല്ലാവിധ സഹകരണം അങ്ങ് വാഗ്ദാനം ചെയ്യുകയുണ്ടായി. എല്ലാ സഹായ സഹകരനങ്ങള്ക്കും അങ്ങയ്ക്ക് പ്രണാമം.
തഥവസരത്തില്, രക്ഷാദികാരി ട്രസ്റ്റിന്റെ ലോഗോ പ്രകാശനവും നടത്തി. 4 ലോഗോ മോഡല് കിട്ടിയതില്, വിദേശത്തുനിന്ന് നമ്മുടെ ഒരു സുഹൃത്ത് അയച്ചുതന്ന ലോഗോയാണ് തിരഞ്ഞെടുത്തത്. ആ സുഹൃത്തിന് ഒരായിരം നന്ദി.
വേറൊരു അവസരത്തില്, 22 കുറിപ്പുകള് കിട്ടിയതില്, കമ്മറ്റി തിരഞെടുത്ത സന്ദേശം ഇതായിരുന്നു - ............ " ജീവ കാരുണ്യം ജന്മ സുകൃതം ". തിരഞ്ഞെടുത്ത സന്ദേശത്തിന്റെ കര്ത്താവായ ശ്രീ ജീ.കെ മാരാര് അവര്കള്ക്ക്, മാനേജിംഗ് കമ്മറ്റി വാഗ്ദാനം ചെയ്ത ഉപഹാരം നല്കി ആദരിക്കുവാന് ഈ അവസരം ഉപയോഗപെടുത്തുന്നു........... ശ്രീ ജി.കെ.മാരാര്........ ദയവായി , ഉപഹാരം ഏറ്റു വാങ്ങാന് അഭ്യര്ത്തിക്കുന്നു. (ഉപഹാരം)
മറ്റുള്ള ക്ഷേത്രങ്ങളിലെ ആചാരങ്ങളും, പൂജാദികളും കണ്ടറിയുവാനും, ആശ്രമ ജീവിതത്തെ കുറിച്ചു മനസ്സിലാക്കാനും, മാക്റ്റ് മെമ്പര്മാര് കുടുംഭ സമേതം ഒരു ദിവസത്തെ തീര്ത്ഥാടനം സംഘടിപിക്കുകയുണ്ടായി. കണ്ണൂര് / കാസറഗോട്ടില്ലുള്ള മിക്ക മഹാ ക്ഷേത്രങ്ങളും, രണ്ടാശ്രമവും സന്ദര്ശിച്ചു പുണ്യം നേടി. ബസ്സ് വാടക ഒഴികെ ബാക്കി എല്ലാ ചിലവുകളും ട്രസ്റ്റാണ് വഹിച്ചത്.
മലബാര് കാന്സര് സൊസൈറ്റിയോടൊപ്പം സഹകരിച്ച് , അടുത്ത മാസം, സൌജന്യമായി കാന്സര് അവബോധ / നിര്ണയ ക്യാമ്പ് സംഘടിപ്പിക്കുവാനാണ് ഉദ്ദേശം . 35 നും 55 നും മദ്ധ്യേ പ്രായമുള്ള സ്ത്രീകള്ക്ക് വളരെ ഫലവത്തായിരിക്കും ഈ പരിശോദന, എന്ന് സൊസൈറ്റി അവകാശപെടുന്നു.
ട്രസ്റ്റിന്റെ എല്ലാ മെമ്പര്മാരുടെയും ബന്ധു-മിത്രാദികളുടെയും രക്ത ഗ്രൂപ്പ് നിര്ണയിച്ച് ഒരു ഡയറക്ടറി ഉണ്ടാക്കുവാന് ട്രസ്റ്റ് ഉദ്ദേശിക്കുന്നത്. നാട്ടുകാരുടെ ആവശ്യാനുസരണം, ഏതു സമയത്തും രക്തം ദാനം ചെയ്യുവാന് മാക്ടിനോട് ആവശ്യപ്പെടാവുന്നതാണ്.
ജീവകാരുണ്യ പ്രവര്ത്തനങ്ങള് ചെയ്യുവാന് താല്പര്യമുള്ള ജനങ്ങളില് നിന്ന്, ട്രസ്റ്റിന്റെ പുതിയ മെമ്പറായി ചേരുവാന് ക്ഷണിക്കുന്നു. പല ആനുകൂലന്യലും, സംതൃപ്ത്തിയും നല്കുന്ന മെമ്പര്ഷിപ്പിന് ഉടനെ അപേക്ഷിക്കുക. 'ജീവകാരുണ്യം ജന്മ സുകൃതം' എന്ന മുദ്രാവാഖ്യം ഉയര്ത്തിപിടിച്ചുകൊണ്ട്, മുന്നോട്ട് നീങ്ങാന് ഭക്തരുടെയും നാട്ടുകാരുടെയും പൂര്ണ സഹകരണം പ്രതീക്ഷിക്കുന്നു.
സുഹൃത്തുകളെ ........... സമൂഹത്തില്, ജീവകാരുണ്യ പ്രവര്ത്തനങ്ങള്, ഇനിയും എത്രയോ വ്യത്യസ്ത രീതിയില് ചെയ്യുവാന് പറ്റുമെന്നുള്ളത്തിനു തെളിവായി, മെമ്പര്മാരില് നിന്ന് പല നിര്ദേശങ്ങളും ലഭിച്ചിട്ടുണ്ട്. അവയില് ചിലതെങ്കിലും പങ്കു വെയ്കാന് ആഗ്രഹിക്കുന്നു.